Ինչպես գրում է գերմանական Der Spiegel-ը, Իսպանիայի բանկային համակարգին առաջիկա 16 տարիների ընթացքում՝ մինչև 2028թ.-ը, օգնություն կհատկացվի: Այն կտրամադրվի 4 տրանշերի միջոցով։
Դրանցից առաջինը կհատկացվի մինչև հուլիսի վերջ և կկազմի 30 մլրդ եվրո։ Այդ գումարից մոտ 20 մլրդ-ը կստանան այն բանկերը, որոնք տնտեսական ճգնաժամի հետևանքով հայտնվել են սնանկացման եզրին, իսկ 10 մլրդ-ը կուղարկվի պահուստ։ Երկրորդ տրանշը կամ 15 մլրդ եվրո կհատկացվի նոյեմբեր ամսին։
Ընդհանուր առմամբ, Իսպանիան կստանա մոտ 100 մլրդ եվրո՝ բանկային համակարգը փրկելու համար։ Փորձագետներն ասում են, որ այս վարկերը չեն համարվի Իսպանիայի կառավարության պարտք։
