Սաուդյան, թուրքական, ամերիկյան և իտալական միանգամից մի քանի ընկերություններ իրենց ուշադրությունը կենտրոնացրել են Սաուդյան Արաբիայի և Բահրեյնի միջև երկաթուղու շինարարական ծրագրի վրա, հաղորդում է Arab News-ը: Նախագծի արժեքը գնահատվում է 4.5 մլրդ դոլար: Այն ավելի երկար ճանապարհի՝ Քուվեյթից Կատար 15 մլրդ դոլարանոց ճանապարհի մի մասն է:
Ընկերությունների անուններն առայժմ չեն հրապարակվում: Ամենայն հավանականությամբ, դրանց մի մասը կմիավորվի կոնսորցիումի մեջ՝ շինարարության կազմակերպման համար անհրաժեշտ միջոցներ կենտրոնացնելու համար:
Ըստ նախագծի՝ պետք է ջրամբար կառուցվի Սաուդյան Արաբիայի և Բահրեյնի միջև՝ Պարսից ծոցի վրայով անցկացված ավտոճանապարհին զուգահեռ: Ամբողջ երկաթուղին կանցնի Էլ-Քուվեյթից սաուդյան Դամմամով մինչև Բահրեյն և Կատար: Մյուս ճանապարհը կմիավորի Բահրեյնը ԱՄԷ-ի հետ, իսկ ճյուղավորումը կանցնի Օմանի տարածքով:
Այդ նախագծերի համար անհրաժեշտ հողերի արժեքը գնահատվում է 3.1 մլրդ դոլար, իսկ լոկոմոտիվները կգնվեն 1.8 մլրդ դոլարով:
