«Հրապարակ»-ը գրում է, որ «Հարսնաքարի» դեպքերն ուսումնասիրելու համար Աժ արտահերթ նիստ հրավիրելու գործընթացն առանձնապես ակտիվ չէր ընթանում, հավաքված 18-րդ ստորագրությունից հետո պրոցեսն ինչ- որ պահ կանգ առավ:
«Հետո ԲՀԿ ֆրակցիայից գործավարուհին եկավ ու տարավ ձևաթուղթը, ՀԱԿ-ում կատակով ասացին, քսան րոպեից չեկաք, հետևներիցդ գալու ենք: Ոչ քսան, ոչ էլ երեսուն րոպեից ձևաթուղթը «չէր գալիս»: Հետո «եկավ»՝ ԲՀԿ մեկ ստորագրությամբ ավելացած. Վահան Բաբայանի: Հետո էլի ԲՀԿ-ն տարավ ձևաթուղթը, ու էլի սկսվեց սպասումը. ՀԱԿ-ում համբերատար հետևում էին գործընթացին ու կարծես դժգոհ չէին արդյունքներից, ավելին՝ Լևոն Զուրաբյանն ընդհանուր գործընթացն անվանեց «աննախադեպ»: Բոլոր դեպքերում, արտահերթ նիստ հրավիրելու համար անհրաժեշտ ստորագրությունները չհավաքվեցին:
Օգոստոսի վերջին, երբ պատգամավորներն արձակուրդից վերադարձած կլինեն, ՀԱԿ-ը դարձյալ ձևաթուդթ կվերցնի՝ ևս մեկ անգամ ստորագրահավաք կազմակերպելու համար: Եթե այդ ժամանակ էլ հնարավոր չլինի արտահերթ նիստ հրավիրել «Հարսնաքարի» դեպքերի ուսումնասիրության համար ժամանակավոր հանձնաժողով ձևավորելու օրակարգով, ապա սեպտեմբերի 10-ին ընդդիմությունը հարցը կմտցնի հերթական նիստի օրակարգ»:
