Օրեգոնում ապրող կինը դատական հայց է ներկայացրել երգիչ Ջասթին Բիբերի դեմ` պահանջելով 9 միլիոն դոլար և պնդելով, որ դեռահասի չափազանց բարձրաձայն շոուի պատճառով նա լսողական վնասվածք է ստացել:
TMZ-ը հաղորդում է, որ Սթեյսի Ուիլսոն Բեթսը և նրա դուստրը ներկա էին գտնվել Բիբերի՝ Փորթլենդում տեղի ունեցած համերգին 2010 թվականի հուլիսի 14-ին: Համերգի ժամանակ երաժշտությունն արդեն իսկ բարձր է եղել, բայց ամեն ինչ ավելի է վատացել, երբ Բիբերը որոշել է, որ հավաքված հանդիսատեսը պետք է սկսի բղավել, երբ նա իր ձեռքը ուղղի դեպի ամբոխի այդ հատվածը: Այս պատճառով որոշ ժամանակ հանդիսատեսը շարունակաբար բղավել է:
Հենց այս աղմուկի պատճառով, Բեթսի պնդմամբ, ինքը լսողական վնասվածք է ստացել:
