Ռուսաստանը չի ընդունի արևմտյան մի շարք երկրների կողմից ՄԱԿ-ի ԱԽ-ին առաջարկված՝ Սիրիայի հարցով բանաձևը, քանի որ դրա ընդունումը կարող է հանգեցնել երկրում ուժի կիրառմանը: Այս մասին RIA Novosti-ին հայտնել է ՌԴ փոխարտգործնախարար Գենադի Գատիլովը:
Բանաձևի նախագծի հեղինակներն են ԱՄՆ-ը, Մեծ Բրիտանիան, Գերմանիան և Ֆրանսիան: Դրա համաձայն՝ Սիրիայի իշխանություններին 10 օր ժամանակ կտրվի ռազմական գործողությունները դադարեցնելու համար: Հակառակ դեպքում Սիրիայի կառավարության դեմ կսահմանվեն տնտեսական և/կամ դիվանագիտական պատժամիջոցներ:
«Մենք նրանց բազմիցս ասել ենք, որ ՄԱԿ-ի Կանոնադրության 7-րդ գլուխը մեզ համար անընդունելի է: Ապագայում բանաձևի հանգեցումը ուժային գործողությունների մեզ համար կտրականապես անընդունելի է»,- ասել է Գատիլովը:
«Մենք կարծում ենք, որ պետք է շարունակել կիրառել այն պոտեցնիալը, որը դրված է ժնևյան փաստաթղթում, իսկ դրա համար բոլոր կողմերը և բոլոր արտաքին խաղացողները պետք է աշխատեն և՛ Սիրիայի կառավարության, և՛ ընդդիմության հետ»,- ասել է փոխնախարարը:
Ինչ վերաբերում է Ռուսաստանին, ապա Գատիլովի խոսքերով՝ «մենք մեզ հասնելիք ճանապարհը անցում ենք և աշխատում, ինչպես լավ հայտնի է, և՛ Դամասկոսի, և՛ ընդդիմադիր խմբավորումների հետ»:
