Համաշխարհային ազգաբնակչության գերմանական հիմնադրամի տվյալներով՝ հուլիսի 11-ին նշվող Ազգաբնակչության համաշխարհային օրը մոլորակի բնակիչների թիվը կազմել է 7 միլիարդ 57 միլիոն 608 հազար: Այս մասին հայտնում է Itar-Tass-ը՝ հղում անելով հիմնադրամի պաշտոնական ներկայացուցիչ Ուտե Շտալմայստերին:
Նրա խոսքով՝ մոլորակի բնակչության աճի շարժիչը զարգացող երկրներն են: Աֆրիկայում այս հարյուրամյակում մարդկանց թիվը կավելանա՝ հասնելով 3,5 միլիարդի: Սև մայրցամաքում բնակչության առավել մեծ աճ է դիտվում Սահարայի հարավում, որտեղ յուրաքանյուր կին միջինը 5 երեխա է լույս աշխարհ բերում:
Հիմնադրամի պաշտոնական ներայացուցիչը ուշադրություն է դարձրել խնդիրների սրացման վրա՝ կապված ազգանակչության աճի հետ:
Չնայած Աֆրիկայի շատ երկրներ սովի դեմ պայքարում հաջողության են հասել, զարգացող պետություններում սովյալների թիվը պահպանվել է 16 տոկոսի մակարդակի վրա: «Կառավարություններն ի վիճակի չեն կերակրել աճող բնակչությանը»,- ընդգծել է նա:
Խմելու ջրի սղությունը խնդիր է մնում, որը այսօր հանդիսանում է բազմաթիվ կոնֆլիկտների պատճառ:
Երկրագնդի բնակչությունը ամեն տարի ավելանում է 80 միլիոնով, դա այնքան է, որքան Գերմանիայի ներկայիս բնակչությունը:
Ազգաբնակչության համաշխարահային օրը սահմանել է ՄԱԿ-ը 1989 թվականին:
