«Հարավկովկասյան երկաթուղի» ընկերության Երևան-Բաթում-Երևան երթուղում գործող «Արմենիա» ֆիրմային գնացքից հունիսի 15-ից մինչ այս պահը Վրաստան է տեղափոխվել 4348 ուղևոր: Այս մասին «Առաջին լրատվական»-ի հետ զրույցում ասաց «Հարավկովկասյան երկաթուղի» ընկերության մամլո քարտուղար Վահե Դավթյանը` տեղեկացնելով, թե քանի ուղևոր է մեկնել Վրաստան և ինչ կոնկրետ ծովափնյա քաղաքների ուղղությամբ:
Ըստ Վահե Դավթյանի` հուլիսի 10-ի դրությամբ վաճառվել է 9220 տոմս, որից 37%-ը մինչև Բաթում, 18%-ը` Ուռեկի, 42%-ը` Քոբուլեթի և 6%-ը` դեպի Թբիլիսի: «Երկաթուղիների աշխատանքի մեկնարկից ի վեր՝ հունիսի 15-ից հուլիսի 10-ը տեղափոխվել է 4348 ուղևոր, սա 26%-ով գերազանցում է 2011 թվականի նույն ժամանակահատվածի ցուցանիշը»,- նշեց Վահե Դավթյանը` հավելելով, որ այն ժամանակ տեղափոխվել էր 3439 ուղևոր:
