Ջորջիայի տեխնոլոգիական ինստիտուտի ինժեներները մշակել են թափանցիկ սարք, որը էլեկտրական էներգիա է սինթեզում ճնշման և տատանումների ազդեցության տակ: Ապագայում նման սարքերը կարող են սենսորային դիսփլեյների ինքնուրույն սնուցման աղբյուր դառնալ: Այս մասին հոդվածը տպագրվել է Nano Letters ամսագրում:
Սարքի հիմնական մասերը հանդիսանում են տարբեր պոլիմերներից կազմված երկու ափսեները: Ճնշման կամ հպման դեպքում, ափսեներից մեկի էլեկտրոններն անցնում են երկրորդին՝ այդպիսով ստեղծելով ներուժի տարբերություն: Այդ կերպ ստեղծված էներգիան կոչվում է տրիբոէլեկտրականություն:
Գիտնականները պարզել են, որ սարքում լիցքերի ստեղծման արդյունավետությունը կախված է դիպման մակերևութի ձևից: Փորձարկումների արդյունքում պարզվել է, որ ամենաարդյունավետն աշխատել են բրգաձև ելուստներով սարքերը:
Սարքի նախատիպը բավականին զգայուն է: Ապագայում թափանցիկ և մշակված պոլիմերների հիման վրա հնարավոր կլինի ստեղծել զգայուն սենսորային էկրաններ, որոնք հպման դեպքում իրենց աշխատանքի համար էներգիա կստեղծեն ինքնուրույն:
