Նիգերիայի իշխանությունները երեկ որոշել են երկրում մտցնել պարետային ժամ։ Սա տեղի է ունեցել այն բանից հետո, երբ հարձակման հետևանքով սպանվել է երկու քաղաքական գործիչ։ Այս մասին հաղորդում է BBC-ն։
Նիգերիացի սենատորը և շրջանային հայտնի քաղաքական գործիչը մասնակցել են տասնյակ մարդկանց թաղման արարողությանը, որոնք սպանվել էին Ջոս քաղաքի մերձակայքում։
Հաղորդվում է, որ հարձակում գործած խումբը, հնարավոր է, պատկանում է ֆուլանի էթնիկական խմբին, իսկ հարձակումը կարող էր լինել վրեժխնդրության հետևանք` կառավարական ուժերի կողմից նրանց բնակավայրերում իրականացված ռազմական գործողությունների, որի արդյունքում զոհվել էր 20 ֆուլանի։ Այդ օպերացիան ֆուլանիների կողմից տեղի էր ունեցել հարևան գյուղերից մեկի վրա իրականացված հարձակումից հետո։
