Տասնյակ հազարավոր մարդիկ են դուրս եկել Մեխիկոյի փողոցներ` իրենց դժգոհությունն արտահայտելու նախագահական ընտրությունների արդյունքների դեմ, ըստ որոնց` հաղթել է Ինստիտուցիոնալ հեղափոխական կուսակցության թեկնածու Էնրիկե Պենյա Նյետոն:
Ինչպես տեղեկացնում է BBC-ն, ցուցարարների մեծ մասը ուսանողներ են, որոնք որևէ կուսակցության չեն պատկանում: Նրանք պնդում են, որ ընտրությունները չեն անցկացվել արդար և ազատ: Ցուցարարները մեղադրում են Նյետոյի կուսակցությանը` ընտրողներին գնելու մեջ: Ինքը` Նյետոն, պնդում է, որ ընտրություններն անցել են առանց խախտումների:
Պարտված թեկնածուն` Նյետոյի հիմնական մրցակից, Հեղափոխա-դեմոկրատական կուսակցության թեկնածու Մանուել Լոպես Օբրադորը, ցանկություն է հայտնել հետաքննել Նյետոյի հաղթանակը: Թեկնածուների միջև ձայների տարբերությունը կազմել է 6.5 տոկոս։
