Այսօր՝ հուլիսի 6-ին, ավտովթար է տեղի ունեցել Գեղարքունիքի մարզում:
Ֆոտոլրագրող Գագիկ Շամշյանը News.armeniatv.com-ին հայտնել է, ժամը 13.00-ի սահմաններում Երևան քաղաքի Պուշկինի փողոցի 40 շենքի բնակիչ Արմեն Մովսեսյանը, վարելով «Մերսեդես Ցե 180» մակնիշի 09 ԼՕ 631 համարանիշի ավտոմեքենան, Երևան-Իջևան ավտոճանապարհի 72 կմ հատվածում դուրս է եկել ճանապարհի երթևեկելի գոտուց և գլխիվայր շրջվել:
Վթարի արդյունքում վարորդը և ուղևոր, նույն հասցեի բնակիչ Սուրեն Մովսեսյանը մարմնական վնասվածքներով տեղափոխվել են Սևանի բժշկական կենտրոն:
Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի աշխատակիցները՝ հրամանատար Արա Գրիգորյանի գլխավորությամբ:
Դեպքի վայրում քննչական աշխատանքները ղեկավարել է Ոստիկանության քննչական գլխավոր վարչության Գեղարքունիքի քննչական բաժնի Սևանի քննչական բաժնի քննիչ Արամ Մարտիրոսյանը:
Քննիչի հանձնարարականով մեքենան տեղափոխվել է Ոստիկանության Սևանի բաժնի հատուկ պահպանման տարածք:
Լուսանկարները` Գագիկ Շամշյանի