EV Nautilus ամերիկյան գիտա-հետազոտական խումբը հուլիսի 5-ին ջրի մակերես է հանել երկու թուրք օդաչուների մարմինները: Ինքնաթիռը խփվել էր հունիսի 22-ին սիրիական ՀՀՊ կողմից: Այս մասին հաղորդել է Hurriyet-ը:
Մարմինները հայտնաբերվել էին դեռևս նախօրեին, սակայն գրեթե երկու օր է պահանջվել մարմինները նավ բարձրացնելու նախապատրաստական աշխատանքների համար:
Հաղորդվել է, որ մարմինները հայտնաբերվել են Միջերկրական ծովում 1260մ խորության վրա: Նրանցից ոչ հեռու հայտնաբերվել են նաև RF-4E BBC ինքաթիռի բեկորները:
Սիրիական կողմը պնդում է, որ թուրքական ինքնաթիռը խփվել է իր երկրի ջրային տարածքում: Թուրքիան հայտարարել է, որ թուրքական ռազմական ինքնաթիռը Սիրիայի Հակահրթիռային պաշտպանության համակարգերի կողմից կործանվել է միջազգային օդային տարածքում և ընկել է Սիրիայի տարածքային ջրերում:
Անկարան արդեն հայտարարել է, որ Դամասկոսը պատասխան է տալու խփված ինքնաթիռի համար:
