Հրդեհներ
Փետրվարի 9-ին` ժամը 17.35-ին, տեղեկատվություն է ստացվել, որ հրդեհ է բռնկվել Սյունիքի մարզի Մեղրի- Ագարակ ավտոճանապարհի 2-րդ կմ-ի հարակից տարածքում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 18.00-ին, մարվել` 18.20-ին:
Այրվել է 6000 քմ մակերեսով խոտածածկ տարածք, թփուտներ, 15 ծառ և էլեկտրական սյուն:
***
Փետրվարի 10-ին` ժամը 01.15-ին, ահազանգ է ստացվել, որ հրդեհ է բռնկվել Շիրակի մարզի Արթիկ քաղաքի Սայաթ-Նովա փողոցի թիվ 38 տանը:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 01.33-ին, մարվել` 02.25-ին:
Այրվել է Վարդեր Բարոյանին պատկանող հացատան և բաղնիքի տանիքը` 44 քմ մակերեսով:
Տուժածին ցուցաբերվել է առաջին բուժօգնություն
Փետրվարի 9-ին, ժամը 22.34-ին ահազանգ է ստացվել, որ Երևան քաղաքի Ա.Խաչատրյան փողոցի թիվ 11 շենքի 77-րդ բնակարանի բնակիչը չի արձագանքում դռան ու հեռախոսի զանգերին և դուռը բացելու համար անհրաժեշտ է փրկարարների օգնությունը:
Դեպքի վայր է մեկնել հատուկ փրկարար ջոկատի հերթապահ խումբը:
Իրավապահ մարմինների ներկայությամբ փրկարարների կողմից բացվել է բնակարանի դուռը, որտեղ անգիտակից վիճակում հայտնաբերվել է Իրանի Իսլամական Հանրապետության քաղաքացի 1993թ. ծնված Արսալան Քյարամին: Տուժածին ցուցաբերվել է առաջին բուժօգնություն և հանձնվել շտապօգնության աշխատակիցներին:
