Հյուսիսային Կարոլինայի Ներկայացուցիչների պալատի անդամ Բեքի Քարնին օրինագծի քվեարկության ժամանակ սեղմել է ոչ այն կոճակը, ինչից հետո փաստաթուղթը, որի դեմ էր հանդես գալիս ինքը, ընդունվել է: Այս մասին հայտնում է Associated Press-ը:
Քվեարկությունը տեղի է ունեցել հուլիսի 2-ին: Հանրապետական կոնգրեսականները մտադիր էին հաղթահարել վետոն, որը դեմոկրատ նահանգապետ Բրեռլի Պերդյուն դրել էր նահանգում օգտակար հանածոների արդյունահանման թույլտվություն նախատեսող օրինագծի վրա, որը հայտնի է hydraulic fracturing, fracking անվանմամբ:
Դեմոկրատ Բեքի Քարնին հանդես էր գալիս այդ մեթոդի թույլտվության դեմ, որն ինչպես պնդում են բնապահապանները, վնաս կհասցնի մարդկանց ու շրջակա միջավայրին: Նա պետք է սեղմեր կարմիր կոճակը, ինչը պետք է նշանակեր անհամաձայնություն, սակայն կանաչ կոճակը սեղմելով՝ կինը աջակցեց հանրապետականների ջանքերին:
Ինչպես գրում է The Wall Street Journal-ը, քվեարկությունից հետո կոնգրեսմենը լաց է եղել:
