ԱՄՆ նախկին նախագահ Ջիմի Քարթերը քննադատության է ենթարկել գործող նախագահ Բարաք Օբամային՝ մարդու իրավունքները խախտելու ՝ անօդաչու թռչող սարքերի միջոցով նախանշված կետին հարվածներ հասցնելու համար:
«Ես կարծում եմ, որ դա մարդու իրավունքների խախտում է: Դա նշանակում է, որ դուք ուխտադրուժ սպանություն եք իրականացնում՝ առանց նրանց դեմ մեղադրանք ներկայացնելու և ձեռքում չունենալով որոշում, որ նրանք մեղավոր են, այդ օդային հարձակումների գործողությունների ընթացքում, որոնք ուղեկցվում են մոտակայքում պատահականորեն հայտնված անմեղ մարդկանց սպանություններով»,- հայտարարել է ԱՄՆ 39-րդ նախագահը Times թերթին տված հարցազրույցում:
Քարթերը հավանություն չի տվել նաև Օբամայի կողմից ապագա թիրախների ընտրությանը՝ չնայած ակնարկել է, որ նախագահն այդ հարցում բախվում է շատ բարդ խնդրի հետ: «Անձամբ ես դրան հավանություն չեմ տալիս, սակայն դժվար է ասել, թե ինչպես ես ինքս կգործեի նման հանգամանքներում, սակայն իմ կարծիքն ամեն դեպքում այն է, որ ես դրան չէի գնա»,- փաստել է նա:
Մյուս կողմից պարբերականը գրում է, որ Քարթերն ավանդաբար հստակ սահմանազատում է դնում Վաշինգտոնի քաղաքականության և ներկա նախագահի քաղաքականության միջև և հաճախ Օբամային հանում է հարվածի տակից՝ մեղքը բարդելով ԱՄՆ Կոնգրեսի վրա: