Le Figaro-ին տված հարցազրույցում Արիել Կոենը` ամերիկյան Heritage հիմնադրամի փորձագետը, վերլուծել է ռուսական ընդդիմության վերջին գործողությունների նշանակությունը:
«Կրեմլն ավելի շատ վախենում է ձախ ուժերից, որոնց ղեկավարում են Ուդալցովի պես մարդիկ, որոնք կարող են դեպի իրենց գրավել մեծաթիվ մարդկանց: Պարադոքսալ է, որ ցուցարարներն այսօր պատկանում են ապահովված խավին, իսկ իշխանությունը վախենում է աղքատ մարդկանցից»,- նկատում է հետազոտողը:
«Ինչպես և 1900-1917թթ., իշխանությունը երխոսության չի դիմում, անհարգալից է վերաբերվում ընդդիմությանը, չի փոխում բռնաճնշումային օրենքները:
Դեկաբրիստների ցույցերից հետո իրականացվեցին մասնակի բարեփոխումներ, որոնք վերաբերեցին նահանգապետերի ընտրությանն ու կուսակցությունների գրանցման գործընթացին, սակայն Կրեմլը դարձյալ սկսեց հսկողություն սահմանել մարզերի վրա ու խոչընդոտել կուսակցական կոալիցիաների ստեղծմանը»,- ասում է Կոենը:
Նրա կարծիքով` ևս մեկ-երկու տարի ռեժիմը կվերահսկի իրավիճակը, սակայն այն դեպի անկում է շարժվում:
«Դեռ ռեժիմը կայուն տեսք ունի, սակայն կփլուզվի կտրուկ, ինչպես 1990թ.»,- կարծում է Կոենը:
Դրա լեգիտիմությունն ընկնում է, ցանկացած նոր ցնցում դառնում է ավելի վտանգավոր: Փորձագետը երկու հնարավոր պայման է անվանում` նավթի գնանկումն ու արտաքին պատերազմը, որոնք կարող են թուլացնել Ռուսաստանը: Եվս մեկ վտանգավոր միտում է երիտասարդության միգրացիան:
