Գայի պողոտայի «Վիշապների պուրակի» շուրջ 2000 քմ տարածքը 2010-ի ընթացքում ցանկապատվեց, այգու նստարանները կոտրվեցին, իսկ այգու ծառերը հատվեցին: Եվ որքան էլ Նոր Նորքի բնակիչները ջանք գործադրեցին «Վիշապի կոթողներ» պուրակը նախատեսված շինարարությունից պաշտպանելու համար, պուրակի շինարարական աշխատանքների նախագծերը փորձաքննության փուլում են:
Այս պահի դրությամբ, բնապահպանական փորձաքննության արդյունքները դեռ չկան, այդ իսկ պատճառով ՀՀ բնապահպանության նախարարությունը այնտեղ շինարարությունն արգելել է։ Սակայն Նոր Նորքի բնակիչները այնքան էլ չեն հավատում, որ շինարարական աշխատանքները չեն շարունակվի:
Նշենք, որ, շրջանցելով Հողային օրենսգրքում հասարակական այգիների և պուրակների օտարման արգելքը,անցյալ տարվանի տեղեկություններ տարածվեցին, որ տարածքում պատրաստվում են 18 հարկանի շենք կառուցել: Բնության պաշտպանության ակտիվիստները բոլոր պաշտոնապես լիազոր մարմիններին ահազանգել են` քաղշին, մշակույթի, բնապահպանության նախարարություններ, թաղապետարան, ոստիկանություն, նամակով դիմել են նաև ՀՀ նախագահին և պահանջել հասարակական լսումներ:
Պայքարի շնորհիվ նրանց հաջողվեց շինարարությունը կասեցնել, կառուցապատման տարածքի ցանկապատները հանել, փոսերը լցնել, տարածքը մաքրել և տնկել 100 ծառ, սակայն սա՝ միայն ժամանակավորապես:
