Հաղորդավարուհի Օփրա Ուինֆրիի հետ հարցազրույցում ամերիկյան ռեալիթի շոուի աստղը պնդել է, որ ռեփեր Քանյե Ուեսթի հետ իր հարաբերությունները PR հնարք չեն: «Ես չեմ կարող զոհաբերել իմ սիրտը հանուն PR-ի»:
Քիմ Քարդաշյանն ասել է, որ պատրաստ չէ ամուսնանալ ներկայիս ընկեր Քանյե Ուեսթի հետ, սակայն հերքում է այն տեսակետը, որ իր հարաբերությունները գովազդային բնույթ են կրում: Այս մասին Քիմը հայտնել է երեկ գիշեր OWN-ի եթերում հեռարձակված Next Chapter շոուի եթերում: Դա եղել է հաղորդավարուհու և Քարդաշյաների ընտանիքի հետ հարցազրույցի երկրորդ մասը:
«Ես չգիտեմ, թե ինչու մեր միությունը մեզնից այդքան ժամանակ պահանջեց,- ասել է Քիմը,- կարծում եմ, մենք միշտ էլ դուր ենք եկել միմյանց. մի օր դա պարզապես պատահեց»:
Ամերիկայի բասկետբոլի ազգային հավաքականի մարզիկ Քրիս Հաֆրիսի հետ 72-օրյա համատեղ կյանքից հետո, նա դեռ պատրաստ չէ մեկ այլ ամուսնության:
Համֆրիսի հետ Քիմի ամուսնալուծության գործը դեռևս ընթացքի մեջ է:
Քարդաշյանը նաև հաստատել է այն տեղեկությունները, որ ինքը ընկերոջ համար ծննդյան տոնին Lamborghini է գնել: Նա նաև Ուինֆրիին պատմել է, որ իր իրական կյանքը տարբերվում է իր կերպարից, ասելով, որ ինքն իրեն հեռու է պահում ալկոհոից, կիրակի օրերին եկեղեցի է գնում, մասնակցում ժամերգությանը:
