Գիտնականներն ասում են, որ Մարսի ներքին շրջաններում կան ջրային պահուստներ, իսկ որոշ հատվածներում ջուրն այնքան շատ է, որքան Երկիր մոլորակի ներքին հատվածներում:
Huffington Post-ը հաղորդում է, որ նոր պնդումը հակասում է նախկին ուսումնասիրություններին, որոնց համաձայն` Կարմիր մոլորակի ներքին հատվածներում ջրային պահուստներ չկան: Ըստ նոր ուսումնասիրության` երկար ժամանակ առաջ Մարսի վրայով ջուր է հոսել:
Վաշինգտոնի Քարնեգի ինստիտուտի հետազոտող Էրիկ Հաուրին ասել է, որ զարմանալի է, որ նախկին ուսումնասիրություններում փորձել են ապացուցել, որ Մարսի ներքին հատվածները չոր են, քանի որ նոր հետազոտությունը առավել իրական է թվում, և կարելի է ենթադրել, որ հրաբուխների միջոցով հնարավոր է եղել ջուրը հասցնել մակերևույթ:
