Լեհաստանի արտգործնախարարությունը Վարշավայում Բելառուսի դեսպանին է հանձնել բողոքի նոտա` կապված Գրոդնոյում լեհ լրագրող Անջեյ Պոչոբուտի ձերբակալության հետ: Այս մասին հայտնում է Газета Выборча-ն, որտեղ աշխատում է Պոչոբուտը:
Բողոքի նոտան տրվել է հունիսի 22-ին, երբ Բելառուսի դեսպանին կանչել էին Լեհաստանի ԱԳՆ: Նախարարությունը պահանջում է անհապաղ ազատել Պոչոբուտին ու նշել, որ լրագրողի ձերբակալությունը կարող է բացասաբար ազդել Բելառուսի ու Եվրամիության վրա:
Անջեյ Պոչոբուտը կալանավորվել էր բելառուսական Գրոդնոյում 2012թ. հունիսի 21-ին:
Բելառուսական ընդդիմադիր ԶԼՄ-ների տեղեկություններով` լրագրողին կասկածում են Բելառուսի նախագահ Ալեքսանդր Լուկաշենկոյին զրպարտելու մեջ:
Պոչոբուտին ձերբակալել են Գրոդնոյում իր բնակարանում ու առգրավել անձնական իրերը: Այն բանից հետո, երբ լրագրողը հրաժարվել է պատասխանել հարցերին, հայտնվել է ճաղերի հետևում:
Ի պաշտպանություն Պոչոբուտի` ելույթի խոսքով հանդես է եկել Լեհաստանի նախագահ Բրոնիսլավ Կոմորովսկին ու վարչապետ Դոնալդ Տուսկը: Մասնավորապես Տուսկը հայտարարել է, որ Լեհաստանը ամեն ջանք կգործադրի լրագրողին ազատ արձակելու համար:
