РИА Новости-ի փոխանցմամբ՝ Թուրքիան կարող է հատուկ հանձնաժողովի ստեղծման հարցով դիմել միջազգային կառույցներին, որը կզբաղվի Սիրիայի կողմից թուրքական կործանիչը վայր գցելու հետաքննությամբ: Այս մասին հայտարարել են թուրք փորձագետները:
Սիրիական կողմն արդեն իսկ հաստատել է, որ իրենք են վայր գցել թուրքական F-4 տիպի կործանիչը, քանի որ այն ներխուժել էր իր տարածքային ջրերի օդային տարածք: Թուրք փորձագետները տեղի ունեցածն անվանում են «լուրջ միջադեպ», որը կարող է էլ ավելի սրել առանց այն էլ սրված թուրք-սիրիական հարաբերությունները:
Նրանք նաև կարծում են, որ Թուրքիան տեղի ունեցած միջադեպի հարցով կդիմի նաև ՄԱԿ-ին ու ՆԱՏՕ-ին: Նրանց մի մասը չի բացառում անգամ, որ Թուրքիան կարող է ռազմական գործողություններ սկսել Սիրիայի դեմ:
