Ջուլիան Ասանժը այսօր առաջին անգամ Լոնդոնում Էկվադորի դեսպանատնից հանդես է եկել հրապարակավ հայտարարությամբ: Այս մասին հայտնում է ITAR-TASS գործակալությունը:
WikiLeaks կայքի հիմնադիրը դեսպանատանը արդեն երեք գիշեր սպասում է լատինաամերիկյան երկրի իշխանությունների որոշմանը` իրեն քաղաքական ապաստան տրամադրելու վերաբերյալ:
Ավստրալական ռադիոյին տված հարցազրույցում Ասանժը նշել է, թե չգիտի` որքա՞ն ժամանակ Էկվադորը կքննարկի իր դիմումը, ու արդյոք որոշումը վերջնական արդյունքում դրական կլինի՞:
Աանժն իր դեմարշը դեսպանատուն բացատրել է նրանով, որ պատրաստ չէ մեկնել Շվեդիա` հաշվի առնելով այն պայմանները, որոնցում պետք է գտնվի:
«Շվեդները հրապարակավ հայտարարել են, որ ինձ հսկողության տակ են պահելու բանտում՝ առանց մեղադրանք առաջադրելու, մինչ կիրականացնեն իրենց, այսպես կոչված, հետաքննությունը»,- ընդգծել է նա:
Խոսելով իրեն արտահանձնելու ու հետագայում ԱՄՆ արտահանձնելու հեռանկարների մասին։ Չնայած ամերիկյան կողմի հավաստիացումներին, թե իբր հետաքրքրված չէ նրա արտահանձնմամբ, Ասանժը դարձյալ կրկնել է, որ, ըստ իր տվյալների, ամերիկյան կողմը շարունակում է իր դեմ մեղադրական ակտ իրականացնել:
«Նրանք շատ զգուշավոր են իրենց արտահայտություններում»,- նկատել է նա` հավելելով, որ ԱՄՆ հետաքննությունների դաշնային բյուրոյի` իր ու WikiLeaks-ի դեմ գործը հասնում է 48 հազար 135 էջի:
Ինչպես հայտարարել է երեկ WikiLeaks-ի պաշտոնական ներկայացուցիչ Քրիսթին Խրաֆնսոնը, Էկվադորին որոշման համար կարող է անհրաժեշտ լինել օրեր: Մինչ այդ Ասանժը կմնա Էկվադորի դեսպանատանը:
