Սիլվիո Բեռլուսկոնին հոգնել է սատարել երկրի վարչապետ Մարիո Մոնտիին:
Ինչպես փոխանցել է Vesti-ն, Բեռլուսկոնին լքել է կառավարության ղեկավարի պաշտոնը, սակայն դեռևս «Ազատության ժողովուրդ» խոշորագույն կուսակցության նախագահն է: Իսկ առանց այս կուսակցության աջակցության Իտալիայի կառավարության գոյությունն անհնարին է:
Բեռլուսկոնիին ձեռնտու չէ, որ իր կուսակցությունը կորցնում է աջակիցներին այն պատճառով, որ սատարում է Մոնտիի՝ ժողովրդականություն չվայելող կաբինետին:
Պաշտոնապես Մարիո Մոնտիի լիազորություններն ավարտվում են գալիք տարվա ապրիլին, սակայն վերլուծաբանները ենթադրում են, որ դա տեղի կունենա ավելի շուտ:
Հիշեցնենք, որ Իտալիայի վարչապետ Սիլվիո Բեռլուսկոնին վարչապետի պաշտոնը լքել է 2011 թ. նոյեմբերի 12-ին: Պաշտոնանկ լինելու որոշումը նա կայացրել է այն բանից հետո, երբ նոյեմբերի 8-ին զրկվեց Իտալիայի ազգային խորհրդարանի Պատգամավորների պալատի ձայների մեծամասնությունից: