Վերջին օրերին Աֆղանստանի Կանդահար շրջանում վերջին օրերին նկատվում է «Թալիբան» շարժման զինյալների գործունեության ակտիվացում: ԱՄՆ բանակի ներկայացուցիչ կապիտան Ջոն Կիրբին հայտնել է, որ Շահ Վալի Կոտի մոտ թալիբները հարձակում են գործել մարզի հարավում գտնվող ՆԱՏՕ-ի ռազմաբազայի վրա:
Նրա խոսքերով՝ աֆղանական բանակի զինծառայողների հագուստով գրոհայիններին հաջողվել է անցնել միայն արտաքին գիծը: Մարտերի հետևանքով տարբեր աստիճանի վնասվածքներ են ստացել 10 ամերիկացի զինծառայող, 8 զինյալներ սպանվել են:
ՆԱՏՕ-ի բազայի վրա հարձակումից մոտ մեկ ժամ հետո զինյալները դարձյալ զինծառայողների հագուստով հարձակում են գործել Կանդահար քաղաքի ոստիկանական բաժանմունքի վրա: Ավելի քան մեկ ժամ տևած կատաղի մարտի հետևանքով սպանվել է 4 գրոհային, 3 ոստիկան, ևս 9-ը վիրավորվել են: