Dow Jones & Company ֆինանսական նորությունների գործակալության տնօրեն Թոդ Լարսենը հրաժարական է տվել: Հրաժարականի պատճառների և նոր նախագահի թեկնածության մասին տեղեկություններ չկան:
Լարսենը նախագահի պաշտոնը զբաղեցրել է 2010 թ. հունվարից, իսկ ընկերությունում աշխատել է գրեթե 13 տարի: Անցած տարվա հուլիսից թոփ-մենեջերը դարձել է գլխավոր տնօրենի պարտականությունների կատարողը Լես Հինթոնի հեռանալուց հետո: Նախատեսվում էր, որ Լարսենը կդառնա ընկերության նախագահ, սակայն արդյունքում պաշտոնը բաժին հասավ Bloomberg-ի թոփ-մենեջեր Լեքս Ֆենուիկին:
Dow Jones & Company-ին հրապարակում է The Wall Street Journal թերթը: 2007թ-ին ընկերությունը դարձել է News Corporation-ի մեդիամագնատ Ռուփերթ Մերդոկի սեփականությունը, որը բաժնետոմսերի համար վճարել էր 5.6 մլն դոլար: Անցած տարվա կադրային փոփոխությունները կապված են News of The World-ում տեղի ունեցած գաղտնալսումների հետ:
Մինչ իր՝ Dow Jones-ի ղեկավար նշանակումը, Հինթոնը 12 տարվա ընթացքում ղեկավարել է News International-ը, որը News Corporation-ի ենթաճյուղն է: News International-ի մեջ է մտել նաև News of The World-ը, որը փակել են անցած տարի` նրա աշխատակիցներին մեղադրելով հեռախոսազանգերի գաղտնալսումների մեջ: Այդ աղմուկի ամենաթեժ պահին Հինթոնը հրաժարական է տվել Dow Jones-ի ղեկավարի պաշտոնից հեռանալու համար:
