«Ռեգիոնների կուսակցություն» խմբակցության պատգամավորները պատրաստել են օրինագիծ, որով առաջարկվում է ՆԳՆ ներքին զորքերը փոխարինել նոր ուժային կառույցով` Պետական իրավապահ ծառայությամբ, որն ամբողջությամբ կենթարկվի նախագահին:
«Պետական իրավապահ ծառայության մասին» օրինագիծը գրանցվել է խորհրդարանում 2 շաբաթ առաջ: Փաստաթղթի հեղինակները ժողովրդական պատգամավորներ Վասիլի Գրիցակն ու Վալերի Կոնովալյուկն են (երկուսն էլ՝ «Ռեգիոնների կուսակցությունից» ): Այս մասին հայտնում է Interfax-ը:
«Առաջարկվում է Ուկրաինայի ՆԳՆ ներքին զորքերը վերածել հատուկ նշանակության պետական իրավապաշտպան մարմնի, որը պետք է գործի Ուկրաինայի ՆԳՆ համակարգում որպես ռազմական միավորում ու նախատեսված լինի Ուկրաինայի Սահմանադրության, մարդու ու քաղաքացու ազատություններիի ու իրավական հետաքրքրության, երկրի սահմանադրական կարգի, ինքնիշխանության շրջանակներում գործելու համար»,- ասվում է գործակալության տրամադրության տակ հայտնված բացատրական գրությունում:
Համաձայն փաստաթղթի` նորաստեղծ ծառայությունը կոչված է որակապես ուժեղացնել իրավապաշտպան դասական կառույցները, առաջին հերթին՝ ոստիկանությունը։:
Իրավապահ պետծառայության ղեկավարն ի պաշտոնե համարվում է Ուկրաինայի ներքին գործերի փոխնախարարը:
Ըստ Ուկրաինայի Սահմանադրության` երկրի ղեկավարը իրավասու է նշանակել ու ազատել այդ պետծառայության ղեկավարին:
