2012թ. ապրիլին հանրապետությունում անշարժ գույքի նկատմամբ իրականացվել է 13 հզ. 555 գործարք, որոնց քանակը 2012թ. մարտի համեմատ նվազել է 1.8%-ով, իսկ 2011թ. ապրիլի համեմատ` 16.9%-ով: 2012թ. ապրիլին անշարժ գույքի նկատմամբ իրականացված 3,411 օտարման գործարքների 77.6%-ը կազմել են առուվաճառքները, 21.7%-ը` նվիրատվությունները և 0.7%-ը` փոխանակությունները: Անշարժ գույքի օտարման գործարքների քանակի 43.6%-ն արձանագրվել է Երևան քաղաքում, իսկ օտարված անշարժ գույքի 40.0%-ը բազմաբնակարան բնակելի շենքերի բնակարաններ են:
Կադաստրի պետական կոմիտեի հրապարակած տվյալների համաձայն` 2012թ. ապրիլին, 2012թ. մարտի համեմատ, անշարժ գույքի օտարման գործարքների քանակը նվազել է 5.5%-ով, իսկ 2011թ. ապրիլի համեմատ նվազել` 14.9%-ով: 2012թ. ապրիլին մարզերում վաճառվել է բազմաբնակարան բնակելի շենքերի 312 բնակարան, որոնց քանակը 2012թ. մարտի համեմատ նվազել է 4.0%-ով, իսկ 2011թ. ապրիլի համեմատ աճել` 0.3%-ով:
2012թ. ապրիլին Երևան քաղաքում բազմաբնակարան բնակելի շենքերի բնակարանների 1քմ մակերեսի հաշվարկով, շուկայական միջին գները 2012թ. մարտի համեմատ աճել են 0.8%-ով, իսկ բազմաբնակարան բնակելի շենքերի բնակարաններինը` 0.3%-ով:
2012թ. ապրիլին հանրապետությունում արձանագրվել է անհատական բնակելի տների 351 առուվաճառքի գործարք, այդ թվում Երևան քաղաքում 106, մարզերում միասին վերցրած 245: Ընդ որում՝ ապրիլին մարտի համեմատ անհատական բնակելի տների առուվաճառքի գործարքների քանակը նվազել է 14.0%-ով, իսկ 2011թ.
ապրիլի համեմատ` 21.5%-ով:
