Ինչպես տեղեկացնում է Detroit Free Press-ը, խոշոր ավտոարտադրող General Motors, Ford, Chrysler կոնցեռնները նոր ինտերնետ դոմեն-անունների համար դիմում են ներկայացրել ICANN կորպորացիա: Ավտոարտադրողները պատրաստ են նոր ինտերնետ-անվանումներից յուրաքանչյուրի համար 185 հազար դոլար ծախսել՝ առանձնացնելու և ընդգծելու իրենց բրենդները:
Աշխարհահռչակ ոչ առևտրային կազմակերպությունը, որը վերահսկում է ինտերնետը, սկսել է նոր դոմենային անունների համար հայցեր ընդունել այս տարվա սկզբից և անցած շաբաթվանից սկսել դրանց քննարկումը:
General Motors, Ford, Chrysler ընկերությունները և մի շարք այլ երկրների ավտոարտադրողներ ընկերություն են ներկայացրել ավելի քան 25 նոր դոմենային անվանումների հայցեր, որոնց թվում է .Chevy, .Ford, .Jeep, .Lexus, .Fiat և այլ անվանումներ:
ICANN-ի ներկայացուցիչների խոսքով՝ նոր դոմենները բրենդի շուրջ օնլայն օպերացիաները կկանոնակարգեն: General Motors-ը նախընտրել է պահպանել GM.com հասցեն, այլ ոչ թե բացել .GM դոմեն, փոխարենը նախապատվություն տալով իր բրենդներին:
ICANN-ի գլխավոր տնօրեն Ռոդ Բեքստրոմի խոսքով՝ նախկինում վեբկայքերը սահանափակվում էին միայն մի քանի դոմեններով, այժմ դրանց ընդարձակմամբ՝ իրենք ցանկանում են օնլայն ինովացիայի նոր դարաշրջան սկսել: ICANN-ն այս տարի ստացել է, ընդհանուր առմամբ, դոմեն անունների 1,930 հայցեր, որոնցից 230-ը «թեժ մրցակցային» դոմենների համար: .Auto դոմենի համար դիմումներ են ստացվել 4 ընկերություններից:
Ստորև ներկայացնում ենք խոշոր ավտոարտադրողների դոմենային դիմումները.
General Motors – 5 հայց (.Buick, .Cadillac, .Chevrolet, .Chevy, .GMC)
Chrysler – 7 հայց (.Chrysler, .Dodge, .Jeep, .Mopar, .Ram, .SRT, .UCONNECT)
Ford – 2 հայց (.Ford, .Lincoln)
Toyota – 2 հայց (.Lexus, .Toyota)
Hyundai – 1 հայց (.Hyundai)
Nissan – 3 հայց (.Datsun, .Infiniti,.Nissan)
Fiat – 6 հայց (.Abarth, .Alfaromeo, .Ferrari, .Fiat, .Lancia, .Maserati)
Volkswagen – 1 հայց (.Volkswagen)
