Հյուրանոցային համարների մաքրության ուսումնասիրության արդյունքում պարզվել է, որ ամենաշատ մանրէները գտնվում են հեռակառավարման վահանակի և վարդակի վրա: Հյուսթոնի համալսարանի հետազոտող Քեթի Կիրշի գլխավորած թիմն ուսումնասիրել է 3 նահանգների 9 հյուրանոցային համարների տարբեր իրերի մակերևույթներ՝ լվացարանների, նույնիսկ վարագույրի կախիչների: Կիրշի խոսքով՝ մարդիկ պետք է դադարեն մտածել, որ եթե մաքուր է երևում, ապա մաքուր է: Մաքրության տեսքը միկրոբների հետ ամենևին կապ չունի: Հետազոտության նպատակն է մարդկանց աչալուրջ պահել և ստիպել նախքան հյուրանոցային համար մտելը մտածել, ինչին պետք է ձեռք տալ և ինչին՝ ոչ: Կիրշն ամեևին մտադիր չէ հետազոտության արդյունքներով վախեցնել մարդկանց և նրանց ստիպել հեռու մնալ հյուրանոցներից: Նա հուսով է, որ մի օր հյուրանոցային բիզնեսը կինտեգրի HACCP սանիտրական չափորոշիչները, որոնք վաղուց արդեն կիրառվում են սննդի և առողջապահության ոլորտներում: Կիրշը հաճախորդներին խորհուրդ է տալիս մինչ ձեռք տալը մաքրել մակերևույթները: Ինչպես տեղեկացնում է msnbc.com-ը, որոշ արևմտյան հյուրանոցները սկսել են իրենց հավաքարարներին «զինել» սև լուսային թեստերով, որոնք հայտնաբերում են անտեսանելի մանրէները:
