Քիմ Քարդաշյանը հերքել է, որ բասկետբոլիստի հետ նրա ամուսնությունը «խորամանկ խաղ» է եղել, ասելով, որ ամուսնալուծությունից հետո նա խորապես ճնշված է եղել: Հաղորդավարուհի Օփրա Ուինֆրիի հետ անկեղծ հարցազրույցում, ռեալիթի աստղը խոսել է իր դատապարտված սիրավեպի մասին:
Նա նշել է, որ իր սրտում դեռևս տեղ կա նախկին ընկերոջ համար, սակայն ամուսնական կյանքն իր համար չէ: «Ես ցանկանում եմ ապրել այն կյանքով, որը պատկերացրել եմ իմ երազային հեքիաթներում: Հարաբերություններին վերջ դնելը վարկանիշի անկման ռիսկ էր պարունակում, սակայն ես ստիպված էի նման ռիսկի դիմել, որպեսզի ազնիվ լինեմ ինքս ինձ հետ»,- ասել է Քիմը:
Քարդաշյանը, որը ողջ զրույցի ընթացքում երբեք չի հիշատակել Քրիսի անունը, կարծում է, որ իրենք մինչ ամուսնությունը բավականին ժամանակ չեն անցկացրել իրար հետ՝ ճանաչելու միմյանց թերությունները:
«Երբ մարդիկ սկզբում հանդիպում են, ամեն ինչ հիասքանչ է, բայց մենք մինչ ամուսնությունը ընդամենը մեկ շաբաթ ենք միասին անցկացրել»:
Քիմը շեշտել է, որ Քրիսը երբեք հատուկ ինչ-որ սխալ բան չի արել: Նա հերքել է, թե Քրիսը ապտակել է իրեն: «Նա լավ մարդ է»,- ավելացրել է Քարդաշյանը:
Ինչպես նշում է The Daily Mail-ը, Քարդաշյանը «սիրավեպից հոգնած լինելը» երբեք որպես ամուսնալուծության պատճառաբանություն չի ներկայացրել: «Ում վիրավորել եմ, անկեղծորեն ներողություն եմ խնդրում: Չեմ ցանկանում դա սխալ կոչել, դա դաս էր»:
Ամուսնալուծությունը ստիպել է Քարդաշյանին 10 անգամ ավելի ջանասիրաբար աշխատել, որպեսզի մարդիկ տեսնեն, թե ով է նա իրականում:
Ռեալիթի շոուի 31-ամյա հայազգի աստղն ամուսնացել էր բասկետբոլիստ Քրիս Համֆրիսի հետ անցած օգոստոսին: Նրանց համատեղ կյանքը 72 օր է տևել:
Քիմ Քարդաշյանն այժմ ռեփեր 35-ամյա Քանյե Ուեսթի հետ է: Քիմին դուր է գալիս այն, որ Քանյեն իրենից մեծ է:
OWN հեռուստաալիքի եթերում 58- ամյա Օփրայի Next Chapter շոուին հյուրընկալվել են նաև Քիմի քույրերը Քորթնին, Քլոն, եղբայր Ռոբը, Քորթնիի ամուսին Սքոթ Դիսիքը, Քլոյի ամուսին Լամար Օդոմը, նրանց մայրը՝ Քրիսը, մայրական կողմից քույր հանիսացող Քայլին, Քենդալը և խորթ հայր Բրյուս Ջենները: Շոուի գլխավոր «խոսափողը» եղել է Քիմինը: Քարդաշյանը խոստովանել է, որ ինքը հաջողակ չէր լինի, եթե նիհար մոդել լիներ:
