«Մենք բոլորս պետք է առաջնորդվենք անմեղության կանխավարկածով, հետևաբար անընդունելի է, որ որոշ ուժեր արդեն իսկ չարախնդում են ՀՀ ԱԳ նախկին նախարար Վարդան Օսկանյանի շուրջ ստեղծված իրավիճակի պատճառով»,- այսօր լրագրողների հետ հանդիպմանը ասաց ՀՀԿ-ական պատգամավոր Գագիկ Մինասյանը:
«Երկրորդ՝ խնդիրն առայժմ գտնվում է իրավական հարթության մեջ, և այն տեղափոխել քաղաքական դաշտ անթույլատրելի է, հիմքերից զուրկ: Խնդրին քաղաքական գնահատական կարելի է տալ միայն իրավական պրոցեսի ավարտից հետո: Քանի դեռ ոչինչ պարզ չէ, պնդել, որ խնդիրը քաղաքական ենթատեքստ ունի, խիստ վտանգավոր է:
Միաժամանակ չեմ բացառում, որ իրավական գործընթացի ավարտին պարզվի, թե որքան ճիշտ են եղել պնդումները: Ցանկացած դատական գործ կարող է երկու ավարտ ունենալ՝ կամ մեղադրանքը հաստատվում է, կամ ոչ»,- ասաց նա:
