Դելսիմի հայերի դավանանքի և փոխօգության միության նպատակն է երկար ժամանակ ազգային արմատներից կտրված դելսիմահայերին վերադարձնել հայկական մշակութային արժեքները, քրիստոնեությունն և հայոց լեզուն: Այսօր միության նախագահ Միհրան Փրկիչ Դուլբեքյանը, որն առաջին անգամ է Հայաստանում, հանդիպում ունեցավ լրագրողների հետ:
«Մեր ընտանիքում խոսվում էր Հայաստանի ու հայկական արժեքերի մասին, սակայն վախի պատճառով հայերեն չէինք խոսում: Թուրքիայում հայ լինելը ընդդիություն լինելու պես մի բան էր: Հետո համաշխարհային արխիվները բացվեցին, ինքնությունս ի հայտ եկավ, մկրտվեցի որպես քրիստոնյա և հայկական անուն ստացա»,- պատմում է Միհրանը: Սակայն նման բան անել պատրաստ են ոչ բոլոր դելիսմահայերնը:
Այժմ միությունն ունի 80 անդամ, ու իրեն թաքուն սատարող բազում ընտանիքներ: Դելսիմահայերը ամռանը կազմակերպելու են համահայկական հինգօրյա փառատոն, որին հրավիում են մասնակցել հայերի տարբեր երկրներից ու իհարկե Հայաստանից: