Իրանական IRNA լրատվական գործակալության փոխանցմամբ՝ Իրանը պլանավորել է ավելացնել գյուղմթերքի արտահանումը դեպի Թուրքիա: Այս մասին Անկարայում թուրք նախարարների հետ հանդիպումից հետո հայտարարել է Իրանի գյուղատնտեսության նախարար Սադեկ Խալիլիանը:
Վերջինս հույս է հայտնել, որ առաջիկա 10 օրերին երկու երկրները կկնքեն համապատասխան համաձայնագիր, որը կառնչվի տաբեր ոլորտներում և մասնավորապես գյուղատնտեսության ոլորտում երկու երկրների միջև առևտրի ծավալի մեծացմանը: Թուրքիայում Իրանի դեսպան Բահման Հոսեյնպուրի խոսքերով՝ Թեհրանի և Անկարայի միջև երկկողմանի տնտեսական օպերացիաների ծավալն այս տարի հասցվելու է մինչև 20 միլիարդ դոլարի: 2011 թվականին երկու երկրների միջև ապրանքաշրջանառության ծավալը կազմել է 16 միլիարդ դոլար: Պլանավորված է 2015 թվականին այդ ցուցանիշը հասցնել մինչև 30 միլիարդ դոլարի:
