Press News-ի փոխանցմամբ՝ Իրանի կառավարությունը մտադիր է իրավաբանական պատվիրակություն գործուղել Սաուդյան Արաբիա՝ հետաքննելու այդ երկրում թմրանյութերի փոխադրման համար իր քաղաքացիներին մահապատժի ենթարկելը: Այս մասին հայտարարել է Թեհրանում գտնվող իրազեկ աղբյուրը:
Վերջինիս խոսքով՝ Իրանի քաղաքացիներին թույլ չի տրվել օգտվել հյուպատոսային, փաստաբանի ու թարգմանչի ծառայություններից: Այդ կապակցությամբ Թեհրանում Սաուդյան Արաբիայի գործերի ժամանակավոր հավատարմակատար Հասան Զեյդին կանչել են Իրանի ԱԳՆ, ուր և նրան խիստ բողոք են հայտնել՝ կապված Սաուդյան Արաբիայի հակամարդկային ակցիայի հետ:
Բացի դրանից, չեղյալ է հայտարարվել այսօր նախատեսված՝ Իրանի փոխարտգործնախարար Հուսեին Աբդոլահիանի այցը Ջիդդա, ուր նա պետք է հանդիպեր Սաուդյան Արաբիայի արտգործնախարար Սաուդ Ալ-Ֆեյսալի հետ՝ քննարկելու համար տարածաշրջանում առկա իրավիճակը: Աբդոլահիանը նաև Սաուդյան Արաբիայի ղեկավարին պետք է հանձներ Թեհրանում կայանալիք՝ Չմիավորման շարժման 16-րդ գագաթաժողովին մասնակցելու հրավերը:
