Միջազգային վարկանիշային Moody’s գործակալությունն իջեցրել է Իսպանիայի ինքնիշխան վարկային վարկանիշը երեք աստիճանով` Baa3-ից մինչև A3՝ նշելով, որ հնարավոր է վարկանիշի հետագա նվազում։ Կիպրոսի վարկանիշը նվազել է երկու աստիճանով` Ba1-ից մինչև Ba3։
Ինչպես ասվում է Moody’s-ի հայտարարության մեջ, նման որոշման հիմնական պատճառը եվրոգոտուց Հունաստանի հնարավոր դուրս գալն է, ինչի արդյունքում այդ երկրների իշխանությունները ստիպված են լինելու ավելի մեծ գումարներ հատկացնել բանկային համակարգը փրկելու համար։ Բացի այդ, ասվում է, որ վարկանիշի վրա բացասաբար է ազդել Իսպանիայի իշխանությունների այն որոշումը, համաձայն որի` անհրաժեշտ է ներգրավել մոտ 100 մլրդ եվրո՝ բանկերը փրկելու համար։
