Սաուդյան Արաբիայում իրանցիներ են մահապատժի ենթարկվել. Թեհրանը զայրացած է

Իրանը հետաձգել է ԱԳՆ պատվիրակության նախատեսված այցը Սաուդյան Արաբիա` ի նշան Իսլամական Հանրապետության քաղաքացիների նկատմամբ մահապատժի իրականացման:

Իրանցիները մահապատժի են դատապարտվել թմրանյութերի ապօրինի առքուվաճառքի համար:

Իրանի ԱԳ փոխնախարար Հուսեյն Ամիր Աբդոլլահիանը պետք է հանդիպեր սաուդյան ԱԳՆ ղեկավարի հետ:

Իրանի ԱԳՆ-ը հանդես է եկել կատարվածի սուր քննադատությամբ` նշելով, որ այդ դեպքը լուրջ քաղաքական հետևանքներ է ունենալու Էր-Ռիադի համար: