Թուրքական Cihan լրատվական գործակալության փոխանցմամբ՝ Թուրքիայի էներգետիկ ու բնական պաշարների նախարար Թաներ Յըլդըզն անդրադարձել է նրան, որ Թուրքիան ընդգրկվել է այն 7 երկրների (Հնդկաստան, Հարավային Կորեա, Թուրքիա, Մալայզիա, ՀԱՀ, Շրի Լանկա և Թայվան) շարքում, որոնց նկատմամբ ԱՄՆ-ը հանել է պատժամիջոցները՝ իրանական նավթի գնումները նվազեցնելու համար.
«Մենք որպես իրանական նավթին այլընտրանք՝ 1 միլիոն տոննա նավթ ենք ներկրելու Լիբիայից: Բացի այդ, մենք բանակցում ենք Սաուդյան Արաբիայի հետ՝ նավթի ներկրման երկարաժամկետ պայմանագրի կնքման շուրջ:
Մենք Իրանի հետ ամենամեծ ապրանքաշրջանառություն ունեցող երկրների թվում ենք: Մեր հարևան Իրանը մեզ համար սովորական երկիր չէ: Ոչ էլ մենք ենք Իրանի համար սովորական երկիր: Մենք ձգտում ենք ճիշտ քաղաքականություն վարել:
Իրանի հետ մեր հարաբերություններն ունեն վաղեմի արմատներ և մենք մտադիր ենք ավելացնել Իրանի հետ մեր ապրանքաշրջանառության ծավալը: Դրա համար էլ չի կարող անգամ խոսք գնալ մեր միջև ճգնաժամային իրավիճակի առաջացման մասին»:
Հիշեցնենք, որ ավելի վաղ թուրքական կողմը հայտնել է, թե 20 տոկոսով նվազեցնելու է իրանական նավթի ներկրումը:
