Այսօր Չեչնիայի խորհրդարանի խոսնակ Դուկուվախա Աբդուռախմանովը հայտարարել է, որ «եթե «Եդինայա Ռոսիային» անհրաժեշտ լինի ընտրություններին հավաքել ձայների 115-120%-ը, ապա մենք դա կապահովենք»: Խոսելով այդ կուսակցությանն աջակցություն ցույց տալու պատճառների մասին` նա հայտարարել է, որ ժողովուրդը քվեարկում է ոչ թե կուսակցություններին, այլ նրանց առաջնորդներին: «Եթե դրա գլուխ կանգնած չլինեին Ռամզան Քադիրովն ու Վլադիմիր Պուտինը, այլ ուրիշ մարդիկ, ապա ոչ ոք դրան կողմ չէր քվեարկի»,- բացատրել է Աբդուռախմանովը:
Խոսնակն անդրադարձել է նաեւ կաշառակերության խնդիրներին` հայտարարելով, որ Չեչնիայում կաշառակերություն չկա: «Կաշառակերության մասին կարելի է խոսել այն ժամանակ, երբ մեզ մոտ վերականգնվեն արդյունաբերությունը, բիզնեսն ու բանկային համակարգը»,- կարծում է նա:
Ռամզան Քադիրովի մասին էլ նա ասել է, որ վերջինս «ռուսաստանյան պետականության ականավոր գործիչ է» եւ «ահաբեկչության դեմ անհաշտ պայքարող»:
