ԵԽԽՎ մոնիթորինգային հանձնաժողովի զեկուցողներ Պեդրո Ագրամունտն ու Ժոզեֆ Դեբոնո Գրեխն ավարտել են իրենց առաքելությունը Ադրբեջանում,- տեղեկացնում է APA-ն:
«Մեր նպատակը Ադրբեջանի հարցով չեզոք և օբյեկտիվ զեկույցի պատրաստումն է: Այս առումով մենք նախապաշարմունքներ չունենք»,- ասել է Պեդրո Ագրամունտը: Նա շեշտել է, որ իրենք ցանկանում են աջակցել Ադրբեջանին կատարել Եվրոպայի Խորհրդին անդամակցելու ժամանակ իր վրա վերցրած պարտավորությունները:
Գրեխն ու Ագրամունտը հանդիպումներ են ունեցել երկրի իշխանության տարբեր թևերի ներկայացուցիչների, ընդդիմության, ինչպես նաև հասարակական կազմակերպությունների , ԶԼՄ-ների ներկայացուցիչների ու իրավապաշտպանների հետ:
Ադրբեջանը ԵԽ-ին անդամակցում է 2000-ից, իսկ այդ երկրի կողմից ստանձնած պարտավորությունների կատարման մասին մոնիթորինգային հանձնաժողովի վերջին զեկույցը կազմվել է 2005-ին:
