Հայկական բանկերից մեկի կողմից տեղական և միջազգային VISA քարտերով ինտերնետ-վճարումներ ընդունելու և կատարելու համար լիցենզիայի (e-acquiring license) ձեռք բերումը չի խթանի Հայաստանում էլեկտրոնային առևտրի զարգացումը: Նման տեսակետ «Առաջին լրատվական»-ի հետ զրույցում հայտնեց «Ինտերնետ հանրություն» ՀԿ–ի փոխնախագահ Գրիգոր Սաղյանը:
«Ոչ մի նշանակություն չունի դա: Մենք հիմա էլ VISA քարտերով կարողանում ենք էլեկտրոնային առևտուր անել արտասահմանյան ցանկացած խանութից: Փոփոխությունն այն է, որ հիմա այստեղ փոխհաշվարկը կկատարեն, ինչը դրական է»,- ասաց նա:
Գ. Սաղյանի խոսքերով՝ դեռ 2000-ական թվականների սկզբից ինքն էլեկտրոնային գնումներ է կատարել e-bay-ից, և օգտվողի տեսակետից՝ նոր ծառայությունը որևէ ազդեցություն չունի. «Բանկի տեսակետից դա ինչ-որ առավելություն կտա՝ չի վճարի և ավելի շատ եկամուտ կստանա: Միակ փոփոխությունն այն է, որ փոխհաշվարկները կկատարվեն տեղական բանկում, բայց առանց դրա էլ մեր VISA քարտերն աշխատում են»:
