Սյունիքի մարզպետ Սուրիկ Խաչատրյանի հանձնարարությամբ մարզպետարանում բացվել է թեժ գիծ` 0285-2-68-20 հեռախոսահամարով: Սյունեցիները հացի թերակշռման փաստի դեպքում կարող են զանգահարել նշված հեռախոսահամարով:
Նշենք, որ Սյունիքում փետրվարի 1-ից առաջին կարգի ալյուրից պատրաստված 600-գրամանոց հացը 210-ի փոխարեն վաճառվում է 240 դրամով:
Սյունիքի մարզպետարանի կողմից ստեղծված հանձնաժողովը մարզի բոլոր խանութներում իրականացնելու է վերահսկողություն` վաճառվող հացի որակի, քաշի և գնի վերաբերյալ:
Տեղական հեռուստաընկերություններով ելույթ ունենալով՝ Սյունիքի մարզպետը խոստացել էր, որ թերակշռման խախտման դեպքում կպատժվեն մեղավորները` ընդհուպ մինչև արտադրամասի փակում։ Ամեն դեպքում, սպառողները ևս պետք է ուշադիր լինեն ու մինչ վճարելը` կշռեն հացը` արդյո՞ք այն 600 գրամ է:
Եթե պակաս լինի քաշը, պետք է դիմեն մարզպետին։ Հատուկ հանձնաժողովի նախագահ Արամ Շահնազարյանը տեղեկացրեց, որ այսօր շրջայցի ժամանակ թերակշռման փաստեր չկային։
Թեժ գծով բողոքներ դեռ չկան։
