էջմիածին քաղաքում կտեղադրվի Մեծ Եղեռնի զոհերի հիշատակին նվիրված 12 արևմտահայ մտավորականների քանդակները: Քանդակի հեղինակն է քանդակագործ Լևոն Թոքմաջյանը, ով իր քանդակներին անվանել է «տագնապ»:
Քանդակները բազալտից են պատրաստված:
Քանդակագործը այն անվանել է տագնապ ցանկանալով ցույց տալ մտավորականների ներքին տագնապը:«Այսինքն դեռ ապրիլի 24-ը չի եղել,բայց մտավորականները լսել են,որ հայերի հետ այդպիսի բան է կատարվում:Ես ցանկացել եմ ներկայացնել նրանց ներքին տագնապը»:
Քանդակը կտեղադրվի էջմիածնի Կոմիտասի անվան ակումբի դիմաց:«Այս մտահղացումը իմ մոտ դեռ վաղուց կար,դեռ 2005 թվականից:
Քանդակի մեջտեղում Կոմիտասն է, նրա կողքին` Ռուբեն Սևակը, Գրիգոր Զոհրապը, Տիրան Չրաքյանը, Ռուբեն Զարդարյան, Երուխան Թլկատենցին, Սիամանթոյի մայրը և երեխա, ով ականատեսն է այդ ցեղասպանության և ձեռքին հայոց տառերը, այսինքն` փրկում է հայոց գիրը»:
12 ֆիգուրները կտեղադրվեն պատվանդանի վրա,իսկ պատվանդանից հեռու ծնկաչոք մի մարդ ով ծաղկեփունջ է դնում.
«Ծաղկեփունջ դնողին ինձ եմ պատկերել, սիմվոլիկ` որպես ժողովուրդ: Ծաղկեփունջը սպիտակ մարմարից է: Իմ նպատակը այս դառը ճշմարտությունը անմահացնելն է, սա այն փաստն է,որ կա, եղել է և սերնդեսերունդ կփոխանցվի»:
Պատվիրատուն Մշակույթի նախարարությունն է. լուսահոգի վարչապետ Անդրանիկ Մարգարյանի ցանկությունն էր:
«Երբ Անդրանիկ Մարգարյանը իմ արվեստանոցում տեսավ այս քանդակների օրինակները ցանկացավ,որ անպայման քարի վրա լինի: Սա նաև նրա ցանկությունն է»:
Պատվանդանը կլինի ոչ բարձր մոտ 70 սմ և պատվանդանի վրա նշվելու է 12 մտավորականների անունները:
