Երկրի ողջ տարածքում սկսված հուզումները դադրեցնելու համար Եգիպտոսի նախագահ Հոսնի Մուբարաքն այսօր հանդիպում է անցկացրել երկրի զինվորական ղեկավարության հետ: Այս մասին հաղորդում է Al-Misr Al-Youm կայքը: Հանդիպումը տեղի է ունեցել երկրի զինված ուժերի օպերատիվ շտաբում:
Հանդիպմանը մասնակցել են նաև նորամշանակ փոխնախագահ Օմար Սուլեյմանը, պաշտպանության և ներքին գործերի նախարարները, գլխավոր շտաբի ղեկավարը:
Քննարկվել են երկրում անհապաղ անվտանգության միջոցառումներ ձեռնարկելու ծրագրերը:
Եգիպտոսի իշխանությունները, տեսնելով որ նույնիսկ պարետային ժամի պայմաններում չեն կարողանում մաքրել քաղաքի փողոցները ցուցարարներից, Կահիրեի վրա սահմանել են ռազմական օդանավերի հսկողություն, որոնք երբեմն այնքան ցածր են թռչում, որ իրենց ձայնով սարսափ են առաջացնում քաղաքի բնակչության շրջանում: Այս մասին հաղորդում է РИА-Новости գործակալությունը: