Արձագանքելով Հայ ազգային կոնգրեսի կենտրոնական գրասենյակի համակարգող Լևոն Զուրաբյանի այն դիտարկմանը, թե իրական ընդդիմությունը այն է, ում ճանապարհները հանրահավաքի օրը իշխանությունը փակում է, «Հանրապետական» ԱԺ պատգամավոր Հովհաննես Սահակյանը մեզ հետ զրույցում ասաց.
«Լևոն Զուրաբյանի այդ վերջին հայտարարության պատճառաբանությունը և փաստարկները մանկական են, երեխայական, քանի որ այդտեղ փաստարկներ չկան։
Ի՞նչ է նշանակում`ճանապարհները փակ են, և եթե ճանապարհները փակում են, ուրեմն իրենք ընդդիմություն են։
Նախ` վերջին երկու-երեք տարվա ընթացքում ՀԱԿ-ը, երբ հանրահավաք է արել, ես` որպես շրջան մեկնող մարդ, չեմ հանդիպել ճանապարհի փակման։
Միգուցե նախկինում նման երևույթներ եղել են, բայց հիմա չկան։ Այնպես որ, դա ծիծաղելի է, երբ փորձում են սակավ հանրահավաքները պատճառաբանել ճանապարհները փակելու պատճառաբանությամբ»։
