Քաջարանում բանակի օրվան նվիրված տոնակատարությունը սկսվեց հարգանքի տուրքի մատուցմամբ։ Տեղական իշխանության, ոստիկանության ներկայացուցիչները, Երկրապահի Քաջարանի մասնաճյուղի անդամները այցելեցին զոհվածների հուշահամալիր, ծաղիկներ դրեցին իրենց մարտական ընկերների շիրիմներին։
Պսակադրությունից հետո Քաջարանի քաղաքապետարանում տոնական ընդունելությունն էր։ Քաղաքապետ Վարդան Գևորգյանը շնորհավորեց իր մարտական ընկերներին՝ երկրապահներին, ու բոլոր նրանց, ովքեր բանակի կազմավորման առաջին իսկ օրերից նրա ակունքներում էին։
Քաջարանի քաղաքապետի շնորհակալագրերի ու հուշանվերների արժանացան երկրապահները։ Իսկ Արտյոմ Քարամյանը ստացավ ՊՆ «Գարեգին ՆԺդեհ» մեդալը։
Տարածաշրջանում տեղեկայաված N զորամասի հրամանատար Սողոմոն Խաչատրյանը հավաստիացրեց, որ մեր սահմանները անառիկ են, որովհետև զինվորները հոգի են դնում, ոչ թե պարտականություն են համարում։
Քաջարանի քաղաքապետը ուղևորվեց զորամասերից մեկը։ Այստեղ նա շնորհավորեց զինվորներին, զիվորին անհարաժեշտ պարագաներ նվիրեց։ Զինծառայող Հարություն Մկրտչյանը արժանացավ ՊՆ «Գարեգին Նժդեհ» մեդալի։
Քաջարանի քաղաքապետ Վարդան Գևորգյանի խոսքով, այսուհետ գնդի հետ կշարունակվի սերտ համագործակցությունը։ Իսկ վերջում բոլորը ուրախ շուրջպար բռնեցին ու լուսանկարվեցին։ Իսկ Կապանի զորամասի սպաներին ու զինվորներին շնորհավորելու էին գնացել Սյունիքի փոխմարզպետ Վաչե Գրիգորյանը, «Կապանի Երկրապահ կամավորների միության», «Ազատամարտ», «Սյունյաց արծիվներ» եւ «Դավիթբեկյան ուխտեր» երիտասարդական ՀԿ-ների ներկայացուցիչներ:
«Ես վստահ եմ, որ դուք ամուր կպաշտպանեք մեր հայրենիքի` արյամբ շաղախված խաղաղությունը: Այսօր բանակն ու ժողովուրդը միասնական են, եւ դա մեծ ուժ է` դիմակայելու յուրաքանչյուր մարտահրավերի»,-ասաց Սյունիքի փոխմարզպետ Վաչե Գրիգորյանը:
Բարեխիղճ ծառայության համար մեդալներով, պատվոգրերով, շնորհակալագրերով ու հուշանվերներով պարգեւատրվեցին մի շարք զինվորականներ:
Կապանի քաղաքապետ Արտուր Աթայանն օրվա առիթով զորամասին նվիրեց հեռուստացույց, իսկ 10 զինվորականներ նրա կողմից ստացան ժամացույցներ:
Զորամասում Կապանի մշակույթի ստեղծագործական խմբերը տոնական համերգային ծրագիր երկայացրին։
Զորամասից հետո Բաղաբուրջի հուշահամալիրում ծաղկեպսակադրություն էր՝ հարգանքի տուրք հայրենիքի համար զոհվածների հիշատակին
