Ղազախստանի նախագահ Նուրսուլթան Նազարբաևը, ելույթ ունենալով երկրի խորհրդարանում, հայտարարել է, որ, անսալով ժողովրդի ձայնին, մնում է նախագահ: Նա ասել է, որ երկրում նախագահի պաշտոնավարման ժամկետը երկարացնելու համար անցկացվելիք հանրաքվեին ի պաշտպանություն հավաքվել է մոտ 5 միլիոն ստորագրություն, որ բնակչության մոտ երկու երրորդն է:
Անկախ նրանից, թե ինչպիսին կլինի Սահմանադրական դատարանի որոշումը, որը պետք է կարծիք հայտնի այս հանրաքվեի` սահմանադրությանը համապատասխանելու վերաբերյալ, Նազարբաևն ասել է, որ ուժերի ներածին չափով պատրաստ է ծառայել իր ժողովրդին:
Հիշեցնենք, որ երկար ժամանակ խորհրդարանում և նախագահի մոտ տեղի էին ունենւմ քննարկումներ: Նազարբաևը երկար ժամանակ ասում էր իր հեղինակավոր «ոչ»-ը, մինչև որ ամբողջ ազգը նրան դա չխնդրեց: