Apple ընկերությունը դիմել է Մտավոր ունակությունների համաշխարհային կազմակերպությանը՝ պահանջելով տրամադրել իրեն iPhone5.com տիրույթը շահագործելու իրավունք: Այս մասին գրում է Lenta.ru-ն:
iPhone5.com հասցեում այժմ տեղակայված է iPhone սարքերի մասին փոքրիկ ֆորում: Այնտեղ գրացված է մոտ 300 մասնակից: WhoIs-ի տվյալներով՝ iPhone5.com դոմենը ստեղծվել է 2008-ի փետրվարին, այսինք՝ iPhone 3G-ի թողարկումից 4 ամիս առաջ:
Կայքում բացվել է դոմենի ճակատագրի վերաբերյալ օնլայն քվեարկություն: Դրան մինչ այդ պահը մասնակցել է 11 մարդ։ Նրանցից 6-ը կողմ են արտահայտվել iPhone5.com-ը Apple-ին տրամադրելուն:
Թիմ Կուկի ընկերությունը մեծ և հաջող փորձառություն ունի իր արտադրանքների անունը հիշեցնող դոմենների համար պայքարում: 2011-ի նոյեմբերին նրան հաջողվեց վերահսկողություն սահմանել մի քանի դոմենների նկատմամբ, այդ թվում iphone4s.com-ի, որոնք ավելի վաղ օգտագործվել են պոռնոկայքերին հաճախորդ մատակարարելու համար:
Որոշ դեպքերում Apple-ը դոմենի տիրոջ հետ կնքում է վաճառքի մասին պայմանագիր: Այդպիսի գործարք կնքվեց iCloud.com-ի դեպքում: Շվեդական Xcerion ընկերությանը պատկանող դոմենը գնելու համար Apple-ը 4,5 միլիոն դոլար վճարեց:
iPhone 5 անվանումը կկրի Apple-ի նոր սմարթֆոնը, որը փոխարինելու կգա 2011-ի հոկտեմբերին ներկայացված iPhone 4S-ին:
