Պակիստանը հայտարարել է, որ ԱՄՆ անօդաչու սարքերի հարձակումներն «անարդյունավետ են և ոտնձգություն են Պակիստանի ինքնիշխանությանը»:
Ինչպես հաղորդում է Press TV-ն, Պակիստանի արտգործնախարար Հինա Ռաբբանի Խարն ասել է, որ ԱՄՆ-ին տեղեկացրել են անօդաչու սարքերի հարձակումների վերաբերյալ Պակիստանի անհանգստությունների մասին:
Միևնույն ժամանակ Bloomberg Television-ին տված հարցազրույցում ԱՄՆ պաշտպանության նախարար Լեոն Պանետան ասել է, որ Կենտրոնական հետախուզության ծառայությունը շարունակելու է անօդաչու սարքերի հարձակումները:
Վաշինգտոնը պնդում է, որ օդային հարձակումներն ուղղված են գրոհայինների դեմ, սակայն տեղական աղբյուրների հաղորդմամբ` օդային հարձակումներին զոհ են դարձել հիմնականում քաղաքացիներ:
