Ինչպես հատնում է ռուսական Коммерсант թերթը, «Լևադա-կենտրոնի» կողմից անցկացված սոցհարցումները (հունվարի 21-24-ը) վկայում են, որ Ռուսաստանի իշխանության նկատմամբ վստահությունը նվազել է: Ըստ թերթի, այսպիսի կտրուկ տատանումներ չէին եղել նույնիսկ տնտեսական ճգնաժամի ընթացքում: Ըստ այդ տվյալների` հունվարին Մեդվեդևի գործողություններին հավանություն էր տալիս ռուսաստանցիների 69%-ը, մինչդեռ 2010 թ. դեկտեմբերին այդ ցուցանիշը կազմում էր 75%: Մեդվեդևի գործողություններին հավանություն չի տալիս ռուսաստանցիների 29%-ը, մինչդեռ դեկտեմբեր ամսին այդ ցուցանիշը կազմում էր 22%:
Նույնն է նաև իրավիճակը Պուտինի պարագայում: Հունվար ամսին նրա գործողություններին հավանություն է տվել ռուսաստանցիների 72%-ը, մինչդեռ դեկտեմբերին այդ ցուցանիշը կազմում էր 79%:
Շատերն այս անկումը պայմանավորում են տնտեսական ճգնաժամի հետևանքների հաղթահարման անարդյունավետությամբ:
Սոցիոլոգները նաև նշում են, որ երբ երկրում տեղի են ունենում բացասական երևույթներ` տնտեսական ճգնաժամի սաստկացում, բախումներ էթնիկակակն հողի վրա, ահաբեկչություններ, բնակչության մեծ մասը ավելի շատ ձգտում է բռնապետական կարգերի, և ավելանում է Պուտինի վարկանիշը: Իսկ երբ ամեն ինչ խաղաղ է, Մեդվեդևի վարկանիշն է սկսում աճել: