Ռուսաստանի դիրքորոշումը Հակահրթիռայանի պաշտպանության համակարգի վերաբերյալ կմնա նույնը: Այս մասին հայտարարել է ՌԴ ԱԳՆ ղեկավար Սերգեյ Լավրովը:
«Ես չգիտեմ, թե ինչի վրա են հույսը դնում մեր գործընկերները, բայց մենք հույս ունենք, որ մեր մտահոգությունը կլսվի: Այս դիրքորոշումը մշակվել է խմբակային աշխատանքի շնորհիվ՝ ՄԱԿ-ի ԱԽ շրջանակներում և դրա փոփոխության համար որևէ հիմք չենք տեսնում»,- նշել է նախարարը:
Հիշեցնենք, որ 2011 թ. հոկտեմբերին ՆԱՏՕ-ի գլխավոր քարտուղարը հայտարարել էր, որ դաշինքի ՀՀՊ համակարգը 2018 թ. կհասնի լիակատար պատրաստի վիճակի: Նրա խոսքերով` համակարգի սկզբնական վիճակի մասին տեղեկություններ կլինեն ՆԱՏՕ-ի առաջիկա համագումարի ժամանակ:
Ռուսաստանը և ՆԱՏՕ-ն պայմանավորվել էին համագործակցել Եվրոպայում ՀՀՊ համակրգի տեղակայման շուրջ 2010 թ., սակայն բանակցությունները փակուղու մեջ հայտնվեցին այն բանից հետո, երբ ԱՄՆ հրաժարվեց իրավական ապացույցներ ներկայացնել, որ այդ համակարգը ուղղված չէ Ռուսաստանի դեմ: Ռուսաստանը, ի պատասխան այս համակարգի տեղակայման, մտադիր է ռազմատեխնիկական և դիվանագիտական բնույթի մի շարք քայլեր ձեռնարկել:
